இது உண்மை தானா என்று ஆராய்ந்து பார்க்கும் பொழுது, இந்த இணை ராசிக்காரர்களுக்கு இடையில் காதல் அந்த அளவுக்கு மலர்வதில்லை என்று கூறப்படுகிறது. எனவே முன்னேச்சரிக்கையாக நமது எதிர் ராசிக்காரர்களுடன் காதல் ஆசையை வளர்த்துக் கொள்ளாமல் இருப்பது நல்லது..
ஜோதிட ரீதியாக பார்க்கும் பொழுது, இந்த இந்த ராசிக்காரர்களுக்கு இடையில் காதல் மலர்வது என்பது சிரமமான ஒன்று.. அப்படியே காதல் மலர்ந்தாலும் கூட அதில் பல பிரச்சனைகள் இருக்கும் என்று ஜோதிடம் கூறுகின்றது.. அந்த வகையில் இந்த பகுதியில் எந்த 8 ராசிக்காரர்களுக்கு இந்த ராசிக்காரர்களுடன் காதல் வாழ்க்கை சிறப்பாக அமையாது என்பது பற்றி கொடுக்கப்பட்டுள்ளது.
1.துலாம் மற்றும் மீனம்
துலாம் மற்றும் மீன ராசிக்காரர்களுக்கு இடையே காதல் மலர்வது என்பது மிகவும் சிரமமான ஒன்றாக கருதப்படுகிறது.. இந்த இரண்டு ராசிக்காரர்களும் காந்தங்களை போன்றவர்கள் என்றே கூறலாம்.. இவர்கள் இருவரும் நேர் எதிரான சிந்தனைகளை கொண்டவர்களாக இருக்கிறார்கள்.. ஆனால் காதல் வாழ்க்கை என்பது நீண்ட கால பயணம் ஆகும். எதிலும் நேர்த்தியாக இருக்க வேண்டும் என்று நினைக்கும் துலாம் ராசிக்காரர்களின் குணமானது கனவை நோக்கி வாழ்ந்து கொண்டிருக்கும் இந்த மீன ராசிக்காரர்களுக்கு ஒத்துப் போகாது. இரண்டு வெவ்வேறு அளவுகளில் உள்ள சக்கரங்களை கொண்டு வாழ்க்கை பாதையில் கண்டிப்பாக சிறப்பாக பயணிக்கவே முடியாது என்பது தான் உண்மையான ஒன்றாகும்.
துலாம் ராசிக்காரர்களின் குணம்
துலாம் ராசிக்காரர்களுடைய குணம் என்னவென்றால், எந்த ஒரு விஷயத்தையும் நடைமுறை வாழ்க்கைக்கு ஒத்து வருமா வராதா என்று யோசித்து முடிவு செய்ய கூடியவர்கள்.. பிராக்டிக்கலாக இருப்பவர்கள், இவர்களுக்கு ஒவ்வொரு விஷயமும் நேர்த்தியாக இருக்க வேண்டும் என்று நினைப்பவர்கள்.
மீன ராசிக்காரர்களின் குணம்
மீன ராசிக்காரர்கள் மெல்லிய மணம் கொண்டவர்கள், வாழ்க்கையின் பாதைக்கு ஏற்றவாறு செல்ல கூடியவர்கள். சிறு சொல்லை கூட தாங்கிக் கொள்ள முடியத இளகிய மனம் கொண்வர்களாக இருக்கிறார்கள்.
இவர்களுக்கு காதல் கைகூடுமா?
துலாம் மற்றும் மீனம் ஆகிய இரண்டு ராசிக்காரர்களும் காதலில் சிறப்பாக செயல்பட முடியாது.. இவர்கள் இருவரும் இரு வேறு துருவங்களாக இருக்கிறார்கள். ஆனால் நட்பு ரீதியாக பார்க்கும் பொழுது இவர்கள் மிக சிறந்த நண்பர்களாக இருக்கிறார்கள். அதிலும் குறிப்பாக மீன ராசிக்காரர்கள் இளகிய மனம் படைத்தவர்கள்.. இவர்களால் துலாம் ராசிக்காரர்களுக்கு ஈடு கொடுக்க முடியாது.
2.மேஷம் மற்றும் விருச்சிகம்
கண்டிப்பாக மேஷம் மற்றும் விருச்சிக ராசிக்காரர்கள் காதலில் சிறப்பாக செயல்பட முடியாது என்று ஜோதிடம் கூறுகிறது. இவர்களது காதல் மற்றும் திருமண வாழ்க்கையானது அந்த அளவுக்கு சிறப்பானதாக இருக்க வாய்ப்பு இல்லை..
ஆதிக்கம்
மேஷம் மற்றும் விருச்சிக ராசிக்காரர்கள் இருவருமே மற்றவர்களின் மீது ஆதிக்கம் செலுத்தும் குணம் படைத்தவர்களாக இருக்கிறார்கள். ஆனால் இரண்டு ராசிக்காரர்களும் தனிப்பட்ட முறையில் காணும் போது மிக சிறந்த சக்தி படைத்தவர்களாக இருக்கிறார்கள்.
3.கடகம் மற்றும் மிதுனம்
கடகம் மற்றும் மிதுன ராசிக்காரர்கள் இருவருமே கிட்டதட்ட ஒரே மாதிரியான குணம் படைத்தவர்களாக இருக்கிறார்கள். இவர்கள் இவரும் ஒரே நேரத்தில் சோகமாகிவிடுவது, கோபமடைந்து விடுவார்கள். அதே போல இருவரும் ஒரே நேரத்தில் மகிழ்ச்சியாகவும் மாறிவிடுவார்கள்…
பிரிவு
காதல் அல்லது இல்லற வாழ்க்கையில் எப்போதுமே ஒருவர் கோபமாக இருக்கும் போது மற்றொருவர் அமைதியாக அவரை சமாதானம் செய்து வைக்கும் நோக்கில் இருந்தால் தான் பிரச்சனை பெரியதாகாமல் இருக்கும். அல்லது ஒருவர் சோகமாக இருக்கும் போது மற்றொருவர் ஆறுதல் சொல்லும் விதமாக இருப்பது அவசியமாகும். ஆனால் இவர்களுக்கு இடையில் இது இல்லை..
4.சிம்மம் மற்றும் ரிஷபம்
பொதுவாக இரண்டு ராசிகளுக்கு இடையில் காதலில் ஏதேனும் ஒரு சில பகுதிகளாகவது சிறப்பாக அமையும் என்று கூறலாம்.. ஆனால் இந்த இரண்டு ராசிகளுமே சுத்தமாக பொருந்தாத இராசிகளாக உள்ளன. இந்த இரண்டு ராசிக்காரர்களுக்குமே மற்றவர்களை தங்களுக்கு கீழ் அடிமையாக வைத்துக் கொள்ள வேண்டும் என்ற எண்ணம் இருக்கும்.
பிரச்சனை
பொதுவாக முதலிடம் என்பது யாராவது ஒருவருக்கு மட்டுமே கிடைக்க கூடியதாக இருக்கும்.. இது தான் இந்த இரண்டு ராசிக்காரர்களுக்கும் இடையில் ஒரு மிகப் பெரிய பிரச்சனையாக அமையும். பொதுவாக காதல் மற்றும் திருமண வாழ்க்கை என்பது வாழ்வில் பெரும்பகுதியினை உள்ளடக்கியது. இதில் ஒருவரிடம் ஒருவர் தோற்றுக் கொண்டே இருப்பது என்பது இந்த இரண்டு ராசிக்காரர்களாலும் சகித்துக் கொள்ள இயலாத ஒரு விஷயமாக அமையும்.
5.தனுசு மற்றும் மகரம்
தனுசு மற்றும் மகரம் இரண்டு ராசிக்காரர்களுக்கும் இடையில் பல்வேறு வித்தியாசங்கள் இருக்க தான் செய்கின்றன. தனுசு ராசிக்காரர்கள் மாறுதல்களை விரும்புபவர்களாகவும், அனைத்து விஷயங்களிலும் நேர்மறையான சிந்தனை கொண்டவர்களாகவும் இருக்கிறார்கள்..
ஈர்ப்பு நீடிக்காது!
எப்போதுமே இரு வேறுபட்ட சிந்தனைகள் மற்றும் செயல்பாடுகளை கொண்ட இருவர் காதலில் அதிகமாக ஈர்க்கப்படுகிறார்கள் என்ற ஒரு கருத்து உள்ளது. தனுசு மற்றும் மகர ராசிக்காரர்களு இடையேயும் ஆரம்பத்தில் அதிக ஈர்ப்பு இருக்கும். ஆனால் இந்த ஈர்ப்பும் காதலும் நீண்ட நாட்களுக்கு நீடிக்காது என்பது தான் நடைமுறை…
6.கும்பம் மற்றும் விருச்சிகம்
கும்பம் மற்றும் விருச்சிக ராசிக்காரர்கள் இருவருமே பிடிவாத குணம் மற்றும் தன்னிச்சையாக வாழ வேண்டும், சுதந்திரமாக வாழ வேண்டும் என்ற சிந்தனை கொண்டவர்களாக இருக்கிறார்கள்.. மேலும், கும்ப ராசிக்கார்கள் எப்போதுமே விருச்சிக ராசிக்காரர்களின் குறைகளை தான் பார்க்கிறார்கள் என்று ஜோதிடம் கூறுகின்றது..
ஈர்ப்பு
கும்பம் மற்றும் விருச்சிக ராசிகாரர்கள் இருவரும் ஆரம்பத்தில் தங்களது அறிவார்ந்த உரையாடல்களால் ஈர்க்கப்படுகிறார்கள்.. ஆனால் இந்த ஈர்ப்பானது நீண்ட நாட்களுக்கு நிலையாக இருக்காது..
வேறுபாடு
கும்ப ராசிக்காரர்கள் அனைவரிடமும் மனிதாபிமான முறையில் நடந்து கொள்வார்கள். அனைவரிடமும் கருணையுடன் இருப்பார்கள். அனைவரையும் நேசிப்பார்கள்.. சுதந்திரமான வாழ்க்கையை எதிர்பார்ப்பார்கள்.. ஆனால் விருச்சிக ராசிக்காரர்கள், ஒரு குறிப்பிட்ட சில நபர்களை தேர்ந்தெடுத்து அவர்கள் மீது மட்டும் அன்பு செலுத்த கூடியவர்களாக இருப்பார்கள். பிரிவு எப்படி உண்டாகும்? காலங்கள் செல்ல செல்ல, விருச்சிக ராசிக்காரர்கள், கும்ப ராசிக்காரர்கள் தங்களை அதிகமாக காதலிக்கவில்லை என்று நினைப்பார்கள்..
கும்ப ராசிக்காரர்கள்
அனைவரையும் நேசிக்கும் உள்ளம் கொண்டவர்களாக இருப்பதால், தன் மீது காதல் என்று பொசசீவ் ஆக மாறிவிடுவார்கள் விருச்சிக ராசிக்காரர்கள்.. இது கும்ப ராசிக்காரர்களின் மனநிலையை பாதிப்படைய செய்வதாக இருக்கும்.
7.துலாம் மற்றும் கடகம்
முதலில் துலாம் மற்றும் கடக ராசிக்காரர்கள் இருவருமே ஒருவருக்கு ஒருவர் ஏற்ற துணையை போல தான் தோன்றுவார்கள். ஏனெனில் இவர்கள் இருவரும் வேண்டுவது அமைதி, சமநிலை மற்றும் ஒற்றுமையாகும். சற்று கூச்ச சுபாவம் உள்ள இந்த கடக ராசிக்காரர்கள் மீது துலாம் ராசிக்காரர்கள் அக்கறையற்ற மனநிலையுடன் நடந்து கொள்வார்கள்..
பிரிவு எப்படி உண்டாகும்?
நீண்ட கால வாழ்க்கை என்று வரும் பொழுது, கடக ராசிக்காரர்கள், சின்ன சின்ன தீண்டல்கள் மற்றும் அன்பு, அரவணைப்பு போன்றவை தன் துணையிடம் இருந்து கிடைக்க வேண்டும் என்று எதிர்பார்ப்பார்கள்.. ஆனால் துலாம் ராசிக்காரர்கள் அறிவு சார்ந்த விஷயங்களுக்கு தங்களது துணையுடைய துணையை எதிர்பார்ப்பார்கள்..
8.மீனம் மற்றும் மிதுனம்
மீனம் மற்றும் மிதுன ராசியை உடைய ஜோடிகள் மிகச்சிறந்த ஜோடிகளாக இருப்பார்கள்.. இவர்கள் ஒரே மாதிரியான குணாதியங்களை அதிகமாக கொண்டிருப்பார்கள்.. இவர்கள் இருவருமே மெல்லிய மனம் படைத்தவர்களாக இருப்பார்கள்.. விளையாட்டுத்தனம் கொண்டவர்களாக இருப்பார்கள். ஆனால் இவர்கள் இருவருக்கும் பொருந்த கூடிய விஷயம் என்றால் இவை இரண்டு மட்டும் தான் என்று கூறலாம்.
சந்தேகம்
இவர்கள் இருவருக்கும் இடையில் சந்தேக எண்ணம் என்பது அதிகமாக உண்டாகலாம். எனவே இவர்கள் இருவருக்கும் இடையில் அதிகமாக சண்டைகள் உண்டாகும். இது காதல் பிரிவிற்கு காரணமாக அமையும்.. அல்லது மகிழ்ச்சியற்ற வாழ்க்கையை கொடுப்பதாக இருக்கும்.