SriBBC - Sri Lanka's Boldest Broadcasting Center

வில்லென வளைந்த புருவம் என்று புருவ அழகையும் பாடாம,ஆதி காலத்துல இருந்து இப்ப வரைக்கும் எந்த கவிஞரும் இருந்ததில்லை. அடர்த்தியான, வில் போல வளைந்த புருவங்கள் கண்களை இன்னும் அழகாத்தானே காட்டும்.
கண்கள் அழகா இருந்து புருவம் சரியாவே இல்லையென்றால், அது கண்களின் அழகையும் குறைக்கும். அதுமட்டுமில்லாமல், கண்களுக்கு தூசி வராம பாத்துக்கிற பாதுகாவலனா புருவமும் இருக்கிறது.

அந்த புருவங்கள் அழகாய் அடர்த்தியாய் சீராய் வளர என்ன செய்ய வேண்டும். இதைப் படியுங்கள். தெரிந்து கொள்வீர்கள்.

விளக்கெண்ணெய்
விளக்கெண்ணெய் கூந்தல் வளர அருமையான எண்ணெய். அவ்வளவு எளிதில் வளராத புருவத்திலும் மேஜிக் செய்யும் மந்திரம் விளக்கெண்ணெய்க்குதான் தெரியும். தினமும் இரவு தூங்கும் முன் விளக்கெண்ணெயை வில்போன்று புருவத்தில் தேயுங்கள். தொடர்ச்சியாய் இரண்டு மாதங்கள் செய்தால் உங்கள் புருவ அழகினை ரசிப்பதற்கு உத்திரவாதம் அளிக்கலாம்.

தேங்காய் மற்றும் தேங்காய் எண்ணெய்
தேங்காய் எண்ணெய் மெலிதான சருமத்தில் வேகமாக முடி வலர்ச்சியை தூண்டும் ஆற்றல் கொண்டுள்ளது. அதனை இளஞ்சூட்டில் புருவத்தில் மசாஜ் செய்யுங்கள்.

இன்னொரு முறை, நீர் கலக்காத தேங்காய் பால் எடுத்து அதனை வாணிலியில் காய்ச்சுங்கள். அடுப்பை சிம்மில் வைத்துக் கொள்ளவும். பின் பால் சுண்டி, எண்ணெய் பதத்திற்கு வரும். அதனை எடுத்து புருவத்தில் பூசி வர வேகமாய் புருவத்தில் முடி வளரும்.

பாதாம் எண்ணெய்
பாதாம் எண்ணெயில் விட்டமின் ஈ அதிகம் உல்ளது. அது சருமத்திற்கு அடியில் இருக்கும் வேர்கால்களை நன்ராக தூண்டும். பாதாம் எண்ணெயை காலையில் மற்றும் மாலையில் புருவத்தில் பூசி வர, நாளடைவில் அழகான புருவம் கிடைக்கும்.

வெங்காயச் சாறு
வெங்காயச் சாறு ரத்த ஓட்டத்தை அதிகரிக்கச் செய்யும். இந்த வெங்காய சாற்றினை ஒரு பஞ்சினால் நனைத்து புருவத்தில் தடவுங்கள். தினமும் இரவு இவ்வாறு செய்தால், புருவத்தில் ஏற்படும் சொட்டைகள் கூட மறைந்து சீராக முடி வளரும். அடர்த்தியாகவும் கானப்படும்.

பால்
பாலில் இயற்கையாகவே மாய்ஸ்ரைஸர் உள்ளது. அதிலுள்ள புரோட்டின் சத்துக்கள் புருவத்தில் வேர்க்கால்களை தூண்டுகின்றன. தினமும் பாலினை புருவத்தின் மேல் தடவி இதமாக மசாஜ் செய்யுங்கள். விரைவில் புருவத்தில் முடி வளர்வைதை கண்கூடாக பார்ப்பீர்கள். சோற்று கற்றாழை : சிலருக்கு தலையில் இருக்கும் பொடுகு உதிர்ந்து புருவத்திற்கு வரும். இதனால் அங்கேயும் தொற்று ஏற்பட்டு, புருவத்தில் முடி உதிர்ந்து, புருவமே இல்லாமல் வெறுமனே காணப்படும். இதற்கு நல்ல தீர்வு சோற்ற்க் கற்றாழை ஆகும். சோற்றுக் கற்றாழையின் சதை பகுதியை எடுத்து, புருவத்தில் பூசுங்கள். அங்கு ஏற்பட்டுள்ள தொற்று நீங்கி, முடி வளர ஆரம்பிக்கும்.

ஆலிவ் எண்ணெய்
ஆலிவ் எண்ணெயை புருவத்தில் தடவி 10 நிமிடங்கள் மசாஜ் செய்யுங்கள். தினமும் இப்படி செய்தால் விரைவில் இதற்கு தீர்வு காணலாம்.

வெந்தயம்
வெந்தயத்தில் நிகோடினிக் அமிலம், லெசிதின் போன்ற விட்டமின்களும், புரொட்டினும் உள்ளன. அவை சருமத்திற்கு போஷாக்கு அளிக்கும். வெந்தயத்தை இரவில் ஊற வைத்து, மறு நாள் அரைத்து பேஸ்ட் ஆக்குங்கள். அதனை இரவில் புருவத்தில் பூசி வர வேண்டும். ஒரு மாதத்தில் புருவம் அடர்ந்து இருக்கும்.

எலுமிச்சை தோல் 
எலுமிச்சை சாற்றினை உபயோகப்படுத்தியதும், அதன் தோலினை வீசி எறியாதீர்கள். அது புருவ வளர்ச்சியை அதிகரிக்கச் செயும் சத்துக்களைக் கொண்டுள்ளது. எலுமிச்சைத் தோலினை தினமும் உங்கள் புருவத்தில் தடவி வாருங்கள். அருமையான ரிசல்ட் தரும்.

முட்டையின் மஞ்சள் கரு
பெரும்பாலும் முட்டையின் வெள்ளைக் கருவே அழகுக் குறிப்பிற்கு உபயோகப்படுத்தி இருப்பீர்கள். மஞ்சள் கருவும் நிறைய பயன்களைத் தரும். முட்டையின் மஞ்சள் கருவினை நன்றாக அடித்துக் கொள்ளுங்கள். அதனை தினமும் இரவில் புருவத்தின் மீது பூசுங்கள். நாளடைவில் புருவம் அடர்த்தியாக வளரும்.

திருமணத்திற்கு பின் தம்பதிகளின் அழகு சற்று அதிகரித்துக் காணப்படும். அது ஏன் தெரியுமா? அதற்கு காரணம் உடலுறவு தான். ஆம், உடலுறவில் ஈடுபடும் போது அலாதியான இன்பத்தை அடைவதோடு மட்டுமின்றி, உடல் ஆரோக்கியமும் சரும அழகும் அதிகரிக்கும்.

மேலும் ஆய்வுகளிலும் அடிக்கடி உடலுறவு கொண்டால், ஒருவரின் அழகு கட்டாயம் அதிகரிக்கும் என நிரூபிக்கப்பட்டுள்ளது. இதற்கு உடலுறவில் ஈடுபடும் போது உடலினுள் ஏற்படும் குறிப்பிட்ட ஹார்மோன் மாற்றங்கள் ஓர் காரணம்.

இப்போது அடிக்கடி உடலுறவில் ஈடுபடுவதால் கிடைக்கும் அழகு நன்மைகள் என்னவென்று பார்ப்போம். அதைப் படித்து தெரிந்து, இனிமேல் அழகு நிலையங்களுக்கு சென்று அழகை அதிகரிக்காமல், உங்கள் துணையுடன் படுக்கையில் புகுந்து விளையாடுங்கள்.

சரும வறட்சி குறையும்
அடிக்கடி உடலுறவில் ஈடுபடும் போது உடலில் இரத்த ஓட்டம் அதிகரித்து, சருமத்தின் நெகிழ்வுத்தன்மை அதிகரித்து, அதனால் சரும வறட்சி ஏற்படுவது குறையும். மேலும் சருமம் மென்மையும் அதிகரிக்கும்.

முகப்பரு குறையும்
உடலுறவில் ஈடுபடுவதால், ஹார்மோன் சுரப்புகளில் ஏற்படும் ஏற்றத்தாழ்வுகள் குறைந்து, அதன் உற்பத்தி சீராக்கப்பட்டு, முகப்பரு வருவது குறையும்


இளமை தோற்றம்
அடிக்கடி உடலுறவில் ஈடுபட்டால், கொலாஜன் உற்பத்தி அதிகரித்து, சரும செல்களின் இளமைத்தன்மை தக்க வைக்கப்படும். எப்படியெனில் உடலுறவில் ஈடுபடும் போது, இளமைக்கு காரணமான DHEA என்னும் ஹார்மோனின் உற்பத்தி தூண்டப்படும்.

பொலிவான முகம்
உடலுறவில் ஈடுபடும் போது, உடலில் இரத்த ஓட்டம் அதிகமாக இருப்பதோடு, வியர்வை அதிகம் வெளியேறுவதால் சருமத்துளைகளில் இருக்கும் அழுக்குகள் மற்றும் அதிகப்படியான எண்ணெய் பசை வெளியேறி, பொலிவு அதிகரித்து காணப்படும்.

ஆரோக்கியமான நகங்கள்

உடலுறவில் ஈடுபடும் நேரத்தில், நகங்களுக்கு ஊட்டமளித்து ஆரோக்கியதை மேம்படுத்தும் குறிப்பிட்ட ஹார்மோன்கள் வெளியிடப்படும். இதனால் அழகான மற்றும் ஆரோக்கியமான நகங்களைப் பெறலாம்.

எடை குறைவு
ஒரு மணிநேரம் உடலுறவில் ஈடுபட்டால் 300 கலோரிகளை எரிக்க முடியும் என்று பல ஆய்வுகள் கூறுகின்றன. எனவே உங்களின் எடையைக் குறைத்து, சிக்கென்று காட்சியளிக்க, ஜிம் சென்று நேரத்தை வீணடிக்காமல், துணையுடன் படுக்கையில் நேரத்தை செலவிடுங்கள்.


ஆரோக்கியமான தலைமுடி
அடிக்கடி உடலுறவில் ஈடுபட்டால், தலை முதல் கால் வரை இரத்த ஓட்டம் அதிகரிப்பதோடு, உடலின் ஊட்டச்சத்துக்களை உறிஞ்சும் திறன் அதிகரிக்கும். இதன் காரணமாக தலைமுடியும் நன்கு ஆரோக்கியமாக இருக்கும். ஆகவே உங்கள் தலைமுடி ஆரோக்கியமாக இருக்க அடிக்கடி உடலுறவில் ஈடுபடுங்கள்.

தலைமுடி ஒருவரின் அழகை அதிகரித்துக் காட்டுவதில் முக்கிய பங்கை வகிக்கிறது. அத்தகைய தலைமுடியில் ஏராளமான பிரச்சனைகளை இன்றைய தலைமுறையினர் சந்திக்கின்றனர். அதில் ஒன்று தலைமுடி அதிகம் உதிர்ந்து, முடியின் அடர்த்தி குறைவாக காணப்படுவது. இதற்கு காரணம் ஹார்மோன்கள், மோசமான பழக்கவழக்கங்கள், ஆரோக்கியமற்ற உணவுகள் போன்றவையுடன், சரியான பராமரிப்பு கொடுக்காமல் இருப்பதும் முக்கியமானவைகளாகும். தலைமுடி மெலிந்து இருந்தால், அது ஒருவரின் அழகை மோசமாக வெளிக்காட்டும்.

தேங்காய் எண்ணெய்
தேங்காய் எண்ணெயில் 2 அத்தியாவசிய அமிலங்களான லாரிக் மற்றும் கேப்ரிக் அமிலங்கள் உள்ளது. இவை பாதிக்கப்பட் தலைமுடியை சரிசெய்யவும், பலவீனமான தலைமுடியை வலிமையாக்கவும், முடியின் அடர்த்தியை மேம்படுத்தவும் உதவும். அதற்கு தேங்காய் எண்ணெயை வெதுவெதுப்பாக சூடேற்றி வாரம் 2 முறை மசாஜ் செய்து ஊற வைத்து குளிக்க வேண்டும்.


கற்றாழை ஜெல்
கற்றாழை ஜெல் அனைத்து வகையான தலைமுடி பிரச்சனைகளுக்கும் நல்ல தீர்வளிக்கும். தலைமுடி மெலிவதற்கு போதிய ஈரப்பசை இல்லாமையும், ஊட்டச்சத்துக்கள் கிடைக்காமல் இருப்பதும் தான் காரணம். ஆனால் கற்றாழை ஜெல்லை வாரத்திற்கு 3 முறை தலையில் தடவி மசாஜ் செய்து 30 நிமிடம் ஊற வைத்து அலசினால், தலைமுடியின் அடர்த்தி அதிகரிக்கும்.

நெல்லிக்காய்
நெல்லிக்காயில் வைட்டமின்கள், ஊட்டச்சத்துக்கள், ஆன்டி-ஆக்ஸிடன்ட்டுகள் போன்றவை அதிகம் உள்ளது. எனவே அந்த நெல்லிக்காய் பொடியை நீர் கலந்து வாரத்திற்கு ஒருமுறை தலைக்கு தடவி வந்தால், தலைமுடியின் அடர்த்தி அதிகிரிக்கும்.

உருளைக்கிழங்கு
ஜூஸ் உருளைக்கிழங்கை சாறு எடுத்து, அதனை வாரத்திற்கு 2-3 முறை தலையில் தடவி ஊற வைத்து அலசி வர, தலைமுடியின் அடர்த்தி அதிகரிப்பதோடு, முடி சம்பந்தமான பிரச்சனைகளும் அகலும்.

விளக்கெண்ணெய்
விளக்கெண்ணெயும் ஓர் அற்புதமான தலைமுடியின் அடர்த்தியை அதிகரிக்க உதவும் பொருள். இதற்கு இதில் உள்ள ஃபேட்டி அமிலங்கள் தான் காரணம். இந்த அமிலங்கள் பாதிக்கப்பட்ட தலைமுடியை சரிசெய்வதோடு, நல்ல பாதுகாப்பையும் வழங்கி, தலைமுடியின் வளர்ச்சியை அதிகரித்து, அடர்த்தியையும் கூட்டும்.

முட்டை
பழங்காலம் முதலாக தலைமுடி பிரச்சனைகளைப் போக்க முட்டை பயன்படுத்தப்பட்டு வருகிறது. ஏனெனில் இதில் முடியின் வளர்ச்சிக்குத் தேவையான புரோட்டீன் அதிகம் உள்ளது. ஆகவே உங்களுக்கு அடர்த்தியான தலைமுடி வேண்டுமானால், நல்லெண்ணெயுடன் முட்டையின் வெள்ளைக்கருவை சேர்த்து கலந்து, வாரம் ஒருமுறை தலையில் தடவி ஊற வைத்து அலசுங்கள்.

கறிவேப்பிலை
கறிவேப்பிலையை இரவில் படுக்கும் போது நீரில் ஊற வைத்து, மறுநாள் காலையில் அந்த நீரைக் கொண்டு தலைமுடியை அலசி வந்தால், தலையில் இருக்கும் பொடுகு நீங்குவதோடு, முடி நன்கு கருமையாகவும், அடர்த்தியாகவும் வளரும்.

முதுமைச்சுருக்கமின்றி இளமையழகுடன் திகழ உண்ணவேண்டிய அழகான உணவுகள்..!

* வைட்டமின் ஈ சத்து நிறைந்த பாதாம், பிஸ்தா, முந்திரிப்பருப்பு போன்ற கொட்டை வகைகள், விதைவகைகளான வேர்க்கடலை மொச்சைப் பயறு வகைகளை அழகிய உணவு வகைகளாக உங்கள் அன்றாட உணவில் அளவோடு சேர்த்துக் கொள்ளுங்கள். அதன் மூலம் உங்கள் மேனி முதுமைச் சுருக்கமின்றி இளமையுடன் திகழும்!

* உங்கள் உடம்பின் கொலஸ்ட்ரால் அளவை கட்டுப்படுத்தும் ஹை டென்ஸிட்டி லைபோபுரோட்டீன் (ஹெச்.டி.எல்) சத்து நிறைந்த ஆலிவ் எண்ணெய் உங்கள் மேனியை உலர விடாமல் ஈரப்பசையுடன் மின்னிப்பிரகாசிக்கச் செய்யும்!

* ஒமேகா 3 கொழுப்பு அமிலச்சத்து, வைட்டமின் பி 12, புரோட்டீன் மற்றும் இரும்புச்சத்து நிறைந்த மீன் மற்றும் மீன் எண்ணெய் அழகிய உணவு வகைகளில் முதன்மை உணவாகத் திகழ்கிறது! ஒமேகா 3 கொழுப்பு அமிலச்சத்து உங்கள் தலையின் மேற்பகுதியை என்றென்றும் ஈரப்பசையுடன் வளமாகத்திகழச்செய்து தலைமுடி செழிப்பாக வளர உதவுகிறது.

* நாள் முழுக்க வேலை செய்தால் கண்கள் சோர்ந்து போகும்.அப்போது வைட்டமின் ஏ சத்து நிறைந்த கேரட்டினை உட்கொள்ளுங்கள். சோர்வு நீங்கி கண்கள் புத்தொளி பெறும். சுறுசுறுப்படைவீர்கள்!

* கந்தகம் மற்றும் சிலிகான் சத்து நிறைந்த பிராக்கோலி இலைகள் நக வளர்ச்சிக்கு மட்டுமன்றி மன அமைதிக்கும் உகந்தது. பிராக்கோலி மர இலைகள் கிடைக்காவிடில் அதற்கு இணையான காலிபிளவர் மற்றும் பீட்ரூட் இலைகள் நக வளர்ச்சிக்கு பேருதவி புரிகின்றன.

* வைட்டமின் டி சத்து நிறைந்த பால், கால்சியம் சத்து நிறைந்த பச்சை கீரை வகைகள், பாஸ்பரஸ் சத்து நிறைந்த பூசணி விதை போன்றவைகளும் அழகிய உணவுப் பட்டியலில் இடம் பெறுகிறது. அவை எலும்பு வளர்ச்சிக்குத் துணைபுரிந்து, ஆஸ்ட்டியோபீனியா என்ற எலும்புத்தளர்ச்சி மற்றும் வலுவின்மை என்கிற நோயிலிருந்து காப்பாற்றுகிறது. இந்த உணவு வகைகளை நம் அன்றாட உணவில் அளவோடு உட்கொண்டால் அழகாக வாழலாம்!

ஒவ்வொருவரும் மற்றவர்கள் முன்பு அழகாக காட்சியளிக்க வேண்டுமென்று நினைப்போம். அதற்காக பல முயற்சிகளையும் மேற்கொள்வோம். குறிப்பாக சற்று கருப்பாக இருப்பவர்கள், வெள்ளையாவதற்கு பல முயற்சிகளை எடுப்பார்கள். மேலும் வேறு வழிகள் ஏதேனும் உள்ளதா என்றும் தேடுவார்கள்.
நீங்களும் அப்படி வெள்ளையாக வழிகளைத் தேடுபவரா? அப்படியெனில் எளிதில் கிடைக்கும் கற்றாழையைக் கொண்டு தினமும் முகத்திற்கு மாஸ்க் போடுங்கள். கற்றாழை மருத்துவ குணங்களை உள்ளடக்கிய ஓர் அற்புதமான பொருள். இதனைக் கொண்டு சருமத்தைப் பராமரித்தால், சரும பிரச்சனைகளும் விரைவில் நீங்கும்.
சரி, இப்போது வெள்ளையாவதற்கு கற்றாழையைக் கொண்டு எப்படியெல்லாம் மாஸ்க் போடலாம் என்று பார்ப்போம்.

ஃபேஸ் பேக் #1 
சிறிது கற்றாழை ஜெல்லுடன், சில துளிகள் எலுமிச்சை சாற்றினை சேர்த்து கலந்து, முகம் மற்றும் கழுத்தில் தடவி 15 நிமிடம் ஊற வைத்து, பின் வெதுவெதுப்பான நீரில் கழுவ வேண்டும். இதனால் முகம் மற்றும் கழுத்தில் உள்ள கருமைகள் அகலும்.


 ஃபேஸ் பேக் #2 
ஒரு பௌலில் கற்றாழை ஜெல்லை எடுத்துக் கொண்டு, அத்துடன் ரோஸ் வாட்டர் சேர்த்து கலந்து, முகத்தில் தடவி 15-20 நிமிடம் ஊற வைத்து, பின் கழுவும் முன், சிறிது நேரம் மசாஜ் செய்து, பின் கழுவ வேண்டும். இதனால் முகத்தில் உள்ள கரும்புள்ளிகள் மற்றும் முதுமைப் புள்ளிகள் போன்றவை மறைந்து, முகமும் பொலிவோடு காணப்படும்.


ஃபேஸ் பேக் #3 
இந்த ஃபேஸ் பேக் எண்ணெய் பசை சருமத்தினருக்கு பொருந்தமானவை. அதற்கு கற்றாழை இலையை எடுத்து, அதன் கூர்மையான முனைகளை கத்தியால் நீக்கிவிட்டு, நீரில் போட்டு வேக வைத்து இறக்கி, அரைத்து பேஸ்ட் செய்து கொள்ள வேண்டும். பின் அதில் சிறிது தேன் சேர்த்து கலந்து, முகத்தில் தடவி 20 நிமிடம் ஊற வைத்து, பின் தேய்த்து கழுவ வேண்டும். இதனால் நல்ல மாற்றத்தைக் காண முடியும்.


ஃபேஸ் பேக் #4 
உங்களுக்கு சென்சிடிவ் சருமம் என்றால் கற்றாழை ஜெல்லுடன், வெள்ளரிக்காய் சாறு, தயிர் மற்றும் ரோஸ் ஆயில் சேர்த்து கலந்து பேஸ்ட் செய்து, கழுத்து மற்றும் முகத்தில் தடவி 15 நிமிடம் ஊற வைத்து, பின் குளிர்ந்த நீரில் கழுவ வேண்டும். இந்த ஃபேஸ் பேக் முகத்தில் உள்ள அழுக்குகளை முழுமையாக வெளியேற்றி, முகத்தின் பொலிவை அதிகரிக்கும்.


ஃபேஸ் பேக் #5 
இந்த ஃபேஸ் பேக் வறட்சியான சருமத்திற்கு ஏற்றது. அதற்கு கற்றாழை ஜெல்லுடன், காட்டேஜ் சீஸ், பேரிச்சம் பழம் மற்றும் வெள்ளரிக்காய் சேர்த்து அரைத்து, சிறிது எலுமிச்சை சாறு சேர்த்து கலந்து, கழுத்து மற்றும் முகத்தில் தடவி 30 நிமிடம் ஊற வைத்து கழுவ வேண்டும்.


ஃபேஸ் பேக் #6 
இந்த ஃபேஸ் பேக் சரும நிறத்தை அதிகரிப்பதோடு, முகத்தை புத்துணர்ச்சியுடனும், பிரகாசமாகவும் வெளிக்காட்டும். அதற்கு கற்றாழை ஜெல்லுடன் மாம்பழ கூழ் மற்றும் எலுமிச்சை சாறு சேர்த்து கலந்து, முகத்தில் தடவி 20 நிமிடம் ஊற வைத்து, பின் குளிர்ந்த நீரில் கழுவ வேண்டும்.


ஃபேஸ் பேக் #7
 வெள்ளரிக்காயை அரைத்து, அத்துடன் ஓட்ஸ் பொடி மற்றும் கற்றாழை ஜெல் சேர்த்து கலந்து, முகத்தில் தடவி 5 நிமிடம் ஸ்கரப் செய்து, 10 நிமிடம் ஊற வைத்து, பின் குளிர்ந்த நீரில் கழுவ வேண்டும். இப்படி செய்து வர, முகத்தில் உள்ள இறந்த செல்கள் முழுமையாக வெளியேறி, முகம் பிரகாசமாக இருக்கும்.