SriBBC - Sri Lanka's Boldest Broadcasting Center

நம் இந்திய புராணத்தில் விலங்குகளுக்கு முக்கியத்துவம் கொடுக்கப்பட்டு வருகிறது. அதில் ஊர்வன வகைகளில் ஒன்றான பல்லியின் செயல்களுக்கு முக்கியத்துவம் கொடுக்கப்படுகிறது. அதில் அந்த பல்லி எழுப்பும் சப்தம் மற்றும் அது நம்மீது விழுந்தால் ஏற்படும் பலன்களுக்கும் அதிக முக்கியத்துவம் கொடுக்கப்படுகிறது.

நம் பண்டைய புராணத்தில் இதற்கெனவே ஒரு படிப்பு உள்ளது என்பது தெரியுமா? அது தான் பல்லி சாஸ்திரம். இந்த பல்லி சாஸ்திரத்தில், பல்லி கத்துவது, பல்லி நம் உடலில் விழுந்தால் என்ன பலன் என்பது குறித்து கொடுக்கப்பட்டுள்ளது. இப்போது நாம் பார்க்கப் போவது பல்லி நம் உடலில் எங்கு விழுந்தால் என்ன பலன் கிடைக்கும் என்பது பற்றி தான்.

தலையின் இடது பக்கம் பல்லி விழுந்தால் துன்பம் தலையின் வலது பக்கம் பல்லி விழுந்தால் கலகம்

நெற்றியின் இடது பக்கம் பல்லிவிழுந்தால் கீர்த்தி நெற்றியின் வலது பக்கம் பல்லிவிழுந்தால் லக்ஷ்மிகரம்

வயிறின் இடது பக்கம் பல்லி விழுந்தால் மகிழ்ச்சி

வயிறின் வலது பக்கம் பல்லி விழுந்தால் தானியம்

முதுகு ; இடது பக்கம் பல்லி விழுந்தால் கவலை

முதுகு ; வலது பக்கம் பல்லி விழுந்தால் நஷ்டம்

கண் ; இடது பக்கம் பல்லிவிழுந்தால் பயம்

கண்; வலது பக்கம் பல்லிவிழுந்தால் சுகம்

தோல் ; இடது பக்கம் பல்லி விழுந்தால் வெற்றி

தோல் ; வலது பக்கம் பல்லி விழுந்தால் வெற்றி

பிருஷ்டம் ; இடது பக்கம் பல்லிவிழுந்தால் செல்வம்

பிருஷ்டம் ; வலது பக்கம் பல்லிவிழுந்தால் சுகம்

கபாலம் ; இடது பக்கம் பல்லி விழுந்தால் வரவு

கபாலம் ; வலது பக்கம் பல்லி விழுந்தால் வரவு

கணுக்கால் ; இடது பக்கம் பல்லி விழுந்தால் பயணம்

கணுக்கால் ; வலது பக்கம் பல்லி விழுந்தால் செலவு

மூக்கு ; இடது பக்கம் பல்லி-விழுந்தால் கவலை

மூக்கு ; வலது பக்கம் பல்லி விழுந்தால் வியாதி

மணிக்கட்டு ; இடது பக்கம் பல்லி-விழுந்தால் கீர்த்தி

மணிக்கட்டு ; வலது பக்கம் பல்லி விழுந்தால் பீடை

தொடை ; இடது பக்கம் பல்லி விழுந்தால் சஞ்சலம்

நகம் ; இடது பக்கம் பல்லி விழுந்தால் நஷ்டம்

நகம் ; வலது பக்கம் பல்லி விழுந்தால் செலவு

காது ; இடது பக்கம் பல்லி விழுந்தால் லாபம்

காது ; வலது பக்கம் பல்லி விழுந்தால் ஆயுள்

மார்பு ; இடது பக்கம் பல்லி விழுந்தால் சுகம்

மார்பு ; வலது பக்கம் பல்லி விழுந்தால் லாபம்

கழுத்து ; இடது பக்கம் பல்லி விழுந்தால் வெற்றி

கழுத்து ; வலது பக்கம் பல்லி விழுந்தால் பகை

உயரம் பொது வாழ்க்கையில் மட்டுமின்றி, இல்வாழ்க்கையிலும் கூட சிலருக்கு இடையூறாக இருக்கும். உயரம் குறைவாக இருந்தாலும் சிக்கல், கேலி, கிண்டல் செய்வர்கள்.

அதே போல உயரமாக இருந்தாலும் சிக்கல், கேலி, கிண்டலோடு சேர்த்து உயரமான இடத்தில் எந்த வேலையாக இருந்தாலும் நம்மை தான் அழைத்து தொல்லைக் கொடுப்பார்கள்.

இப்படி ஓர் மனிதனை அல்லோலப்படுத்தும் உயரம், காதலிலும் சும்மா இல்லை. பெண்ணாக இருந்தாலும், ஆணாக இருந்தாலும் இருபாலர் மத்தியிலும் உயரமானவர்கள் மீதான அதீத விருப்பம் இருக்க தான் செய்கிறது.

அப்படி உயரத்தில் என்ன தான் இருக்கிறது. அதிலும், உயரமான பெண்கள் மீது ஆண்கள் அதிகமாக விருப்பம் கொள்வது ஏன்?

தன்னம்பிக்கை: 
பொதுவாகவே உயரமான பெண்கள் தன்னம்பிக்கை அதிகமாக உள்ளவர்கள் என்ற கருத்து நிலவுகிறது. மேலும், இவர்களது உடல்மொழி இதை அடிக்கடி வெளிக்காட்டுகிறது. இது, ஆண்கள் அதிகமாக இவர்கள் மீது ஈர்ப்புக் கொள்ள வைக்கிறது.

மாடல் லுக்:
உயரம் குறைவான பெண்களோடு ஒப்பிடுகையில், உயரமான பெண்கள் சற்று மாடல் போன்றே தோற்றமளிப்பதும் கூட, ஆண்கள் இவர்கள் மீது அதிக ஈர்ப்பு கொள்வதற்கான காரணியாக இருக்கிறது.

உணர்ச்சி அலைகள்:
மேலும், உயரமான பெண்களுக்கு கால்கள் சற்று நீளமாக இருக்கும். இது, ஆண்களை உணர்ச்சி ரீதியாக அவர்கள் மீது அதிகமான விருப்பத்தை ஏற்படுத்துகிறது.

பொதுவாகவே பெண்கள் ஸ்கர்ட் போன்ற மாடர்ன் உடைகள் அணிந்து வரும் போது சற்று செக்ஸியாக தோற்றமளிப்பது உண்டு. இது ஆண்களின் மனதில் அலைகள் எழ காரணமாகவும் இருக்கும். இதே, உயரமான பெண்கள் இதுப்போன்ற உடையணிந்து வருகையில், அந்த அலைகள் சுனாமியாக மாறிவிடுகிறது.

50:50 
அனைத்திற்கும் மேலாக, எந்த வகையான உடை அணிந்தாலும் சரி, உயரமான பெண்களுக்கு அது எடுப்பாக இருக்கும். புடவையில் தெய்வீகமாகவும், மாடர்ன் உடையில் மாடல் அழகி போலவும் 50:50-ல் எல்லா ஆண்களும் ரசிக்கும் வகையில் இருப்பதால் தான் ஆண்களுக்கு உயரமான பெண்கள் மீது ஓர் அதீத பிரியம்!

யாருமே பிறக்கும் போது சரும பிரச்சனைகளுடன் பிறப்பதில்லை. சொல்லப்போனால் பழங்காலத்தை விட இக்காலத்தில் தான் அதிக சரும பிரச்சனைகளை சந்திக்க நேரிடுகிறது. இதற்கு மோசமான சுற்றுச்சூழல் மட்டுமின்றி, ஆரோக்கியமற்ற பழக்கவழக்கங்களும், ஆரோக்கிய பிரச்சனைகளும் தான் காரணம்.

அதில் முகப்பரு, கரும்புள்ளிகள், வறட்சியான சருமம் போன்றவற்றால் பொலிவிழந்த மற்றும் அசிங்கமான முகத்தை பலரும் பெறுகிறோம். அதற்காக நம் முன்னோர்கள் எந்த ஒரு சரும பிரச்சனைகளையும் சந்தித்ததில்லை என்றில்லை.

பழங்காலத்தில் நம் முன்னோர்கள் தங்களது அழகை மேம்படுத்த எந்த ஒரு கெமிக்கல் கலந்த அழகு சாதனப் பொருட்களையும் பயன்படுத்தவில்லை. மாறாக இயற்கைப் பொருட்களைக் கொண்டு தான் தங்களது சருமத்தைப் பராமரித்தார்கள்.

இங்கு அப்படி பழங்காலத்தில் பின்பற்றப்பட்டு வந்த 3 அழகு குறிப்புகள் கொடுக்கப்பட்டுள்ளன. அவற்றை தினமும் இரவில் பின்பற்றி வந்தால், நிச்சயம் உங்கள் சரும நிறம் அதிகரிப்பதோடு, சரும பிரச்சனைகளின்றி பொலிவோடு காட்சியளிக்கலாம்.

சந்தனம்
அக்காலத்தில் பல அழகு பிரச்சனைகளுக்கு சந்தனம் பயன்படுத்தப்பட்டு வந்தது. சந்தனத்தில் உள்ள உட்பொருட்கள், முகப்பரு, தழும்புகள் மற்றும் கரும்புள்ளிகளைப் போக்கும். ஆகவே சந்தன பொடியை பால் அல்லது நீரில் கலந்து பேஸ்ட் செய்து, தினமும் முகத்தில் தடவி 20-30 நிமிடம் ஊற வைத்து கழுவி வர நல்ல மாற்றத்தைக் காணலாம்.

துளசி
துளசியில் உள்ள ஆன்டி-ஆக்ஸிடன்ட் மற்றம் இதர ஊட்டச்சத்துக்கள், சரும செல்களின் ஆரோக்கியத்தை மேம்படுத்தி, சருமத்தை பொலிவோடும் ஆரோக்கியமாகவும் வைத்துக் கொள்ளும். முக்கியமாக துளசி முகப்பரு பிரச்சனைகளுக்கு நல்ல தீர்வளிக்கும். அதற்கு துளசியை அரைத்து பேஸ்ட் செய்து, முகத்தில் தடவி 15-20 நிமிடம் ஊற வைத்து கழுவ வேண்டும்.

குங்குமப்பூ
குங்குமப்பூவை பாலுடன் சேர்த்து கலந்து, முகத்தில் தடவி 20-30 நிமிடம் ஊற வைத்து கழுவ, குங்குமப்பூவில் உள்ள ப்ளீச்சிங் தன்மையினால், சருமத்தில் உள்ள கருமை நீங்குவதோடு, சருமத்தின் நிறமும் மேம்பட்டு காணப்படும். அதிலும் இந்த செயலை தினமும் ஒருவர் பின்பற்றினால், சீக்கிரம் வெள்ளையாவதைக் காணலாம்.

குழந்தை பெற்றுக்கொள்ள தாம்பத்திய வாழ்க்கையில் ஈடுபட்டால் மட்டும் போதாது. விந்தணு திறன், கரு திறன், சரியான நாள் என பல விஷயங்கள் சரியாக அமைந்தால் தான் கருத்தரிக்கும் வாய்ப்புகள் கூடும்.

முக்கியமாக கருவளம் ஆண், பெண் மத்தியில் சரியாக இருந்தால் மட்டுமே குழந்தை செல்வம் சாத்தியம். மாற்றமடைந்த வாழ்வியல், மற்றும் உணவுப் பழக்கத்தால், பலரும் இன்று இளம் வயதிலேயே ஆரோக்கியம் குன்றி தான் காணப்படுகின்றனர். எனவே, குழந்தைப் பெற்றுக் கொள்ள விரும்பும் ஆண்கள், இந்த நான்கு விஷயத்தில் கவனமாக இருக்க வேண்டும்…

ஊட்டச்சத்துக்கள்: உங்கள் டயட்டில் ஃபோலிக் அமிலம் மற்றும் வைட்டமின் குறைவாக இருந்தால், கருத்தரிப்பு ஏற்படுவது சிரமாகும். இது, ஆண், பெண் இருவருக்கும் பொருந்தும். எனவே, குழந்தை பெற்றுக் கொள்ள விரும்பும் ஆண்கள் மல்டிவைட்டமின் மற்றும் ஃபோலிக் அமிலம் சத்துக்கள் நிறைந்த உணவுகளை உட்கொள்ள வேண்டியது அவசியம். இது, பிறக்கப் போகும் குழந்தையின் ஆரோக்கியத்தையும் ஊக்குவிக்கும்.

உணவுகள்: கீரை, பச்சைக காய்கறிகள், ஆரஞ்சு போன்ற சிட்ரஸ் பழச்சாறு, பீன்ஸ், தானியங்கள், போன்ற உணவுகளை டயட்டில் சேர்த்துக் கொள்வது, ஆரோக்கியமான குழந்தைப் பெற தேவையான உடற்சக்தியை அளிக்கும்.

உடற்பயிற்சிகள்: ஜிம்மிற்கு தான் செல்ல வேண்டும் என்றில்லை, தினமும் நீங்கள் உட்கொள்ளும் உணவு / கலோரிகளின் அளவிற்கு, ஏதேனும் உடல் உழைப்பு அல்லது எளிய பயிற்சிகளில் ஈடுபட வேண்டியது அவசியம். அதே போல, சீரான உறக்கமும் அவசியம். கண்ட நேரத்தில் உறங்குவது, கண்ட நேரத்தில் வேலை செய்வது உங்கள் உடலில் முக்கியமான ஹார்மோன்களை பாதிப்படைய வைக்கும்.

போதை: புகை, மது, போதை பொருட்கள் உட்கொள்வதை நிறுத்திக் கொள்ளுங்கள். இது, விந்தணு திறன் மற்றும் உற்பத்தியை பாதிக்கக் கூடியது. ஆனால், ஆண், பெண் இருவரும் ஒயின் பருகுவது நல்லது எனப்படுகிறது. அவ்வப்போது சிறிதளவு ஒயின் எடுத்துக் கொள்வது சிறந்த பயனளிக்கிறது.

பரிசோதனை: ஒருவேளை உங்களால் இல்லறத்தில் சிறந்து செயல்பட முடியவில்லை என்ற உணர்வு எழுவது போன்று இருந்தால், எதற்கும் மருத்துவரிடம் சென்று பரிசோதனை செய்துக் கொள்வது நல்லது. சின்ன, சின்ன வேறு உடல்நலக் கோளாறுகளாலும் கூட தாம்பத்திய வாழ்வில் சிறந்து செயல்பட முடியாமல் போகலாம்.

சிலர் சங்கோஜம் எனும் பெயரில் தாமதம் படுத்துவது தான் பின்னாட்களில் பெரும் விளைவுகளை சந்திக்க நிர்பந்தத்தை ஏற்படுத்துகிறது. எனவே, எதுவாக இருப்பினும், மருத்துவரை கண்டு பரிசோதனை எடுத்துக் கொள்வது சிறந்தது.

இன்றைய தலைமுறை ஆண்கள் பெண்களுக்கு இணையாக தங்களை அழகாக வைத்துக் கொள்ள நினைக்கிறார்கள். அதற்காக ஜிம் சென்று தங்களது உடலை ஃபிட்டாக வைத்துக் கொள்வதோடு, சரும அழகை அதிகரிக்கவும் பல வழிகளை முயற்சித்து வருகின்றனர்.
குறிப்பாக பெண்களைப் போல் ஆண்களும் முகத்திற்கு க்ரீம்களைத் தடவுவது, ஃபேஸ் பேக் போடுவது என்றெல்லாம் மற்றவர்களுக்கு தெரியாமல் பின்பற்றி வருகின்றனர். ஆனால் ஆனால் தங்களது அழகை மேம்படுத்த ஒருசில எளிய செயல்களைப் பின்பற்றினாலே போதும்.

இங்கு ஒவ்வொரு ஆணும் தங்கள் அழகை அதிகரித்து வெளிக்காட்ட சில டிப்ஸ் கொடுக்கப்பட்டுள்ளன. அதைப் படித்து பின்பற்றி அழகாக திகழுங்கள்.

டிப்ஸ் #1
சில ஆண்கள் தங்கள் மூக்கில் வளரும் முடியை ட்ரிம் செய்யாமல் வெளியே தெரியும்படி வைத்திருப்பார்கள். முதலில் அப்பழக்கத்தை மாற்ற வேண்டும். மூக்கில் வளரும் முடியை அவ்வப்போது ட்ரிம் செய்ய வேண்டும்.

டிப்ஸ் #2
பொதுவாக ஆண்கள் தங்களது கை மற்றும் கால்களில் வளரும் நகங்களை மாதத்திற்கு ஒருமுறை, அதுவும் நேரம் இருந்தால் வெட்டுவார்கள். ஆனால் அப்படி இருந்தால், அது பெண்களுக்கு உங்கள் மீது ஒரு கெட்ட அபிப்ராயத்தை உருவாக்கிவிடும். எனவே வளர்ந்து அசிங்கமாக இருக்கும் நகங்களை வாரத்திற்கு ஒருமுறை வெட்டிவிட வேண்டும்.


டிப்ஸ் #3
அதிகமாக வியர்க்கும் ஆண்கள் தங்களது அக்குளில் உள்ள முடியை ட்ரிம் செய்ய வேண்டும். இதனால் அக்குளில் வியர்வை அதிகம் வெளிவருவது மற்றும் அழுக்குகள் சேர்வது குறையும். இதன் காரணமாக உடல் துர்நாற்றத்தைத் தடுக்கலாம்.

டிப்ஸ் #4
ஆண்கள் ட்ரெண்டி ஹேர் ஸ்டைல் என்று பொருத்தமில்லாத ஹேர் ஸ்டைலைப் பின்பற்றுவதைத் தவிர்த்து, தங்களுக்கு பொருத்தமான ஹேர் ஸ்டைலைப் பின்பற்றினாலே, அழகாக காட்சியளிப்பார்கள்.

டிப்ஸ் #5
நல்ல வாசனைமிக்க டியோடரண்ட்டுகளைப் பயன்படுத்த வேண்டும். பெண்களை விட ஆண்களுக்கு அதிகமாக வியர்வை வெளிவரும். டியோடரண்ட்டுகளைத் தவிர்த்தால், அதனால் உடல் துர்நாற்றம் வீச ஆரம்பிக்கும். எனவே நாள் முழுவதும் நீடித்திருக்கும் டியோடரண்ட்டுகளைப் பயன்படுத்த வேண்டும்.

டிப்ஸ் #6
தேவதாஸ் போன்று நீளமாக தாடியை வைத்துக் கொள்ளாமல், அழகாக ட்ரிம் செய்யுங்கள். ஏனெனில் பெண்களுக்கு அளவாக தாடி வைத்திருக்கும் ஆண்களைத் தான் பிடிக்கும். எனவே அதனைப் பின்பற்றுங்கள்.

டிப்ஸ் #7
உதடுகளை வறட்சியுடன் வைத்துக் கொள்ளாமல், அழகாக வெளிக்காட்டும் வகையில் ஈரப்பசையுடன் வைத்துக் கொள்ளுங்கள். ஒருவேளை உங்களுக்கு உதடு அதிகம் வறட்சியடைந்தால், லிப் பாம் பயன்படுத்துங்கள். இதனால் எந்த தவறும் இல்லை. பெண்கள் மட்டும் தான் லிப் பாம் பயன்படுத்த வேண்டும் என்ற கட்டாயம் இல்லை. பிரச்சனையை சந்தித்தால் ஆண்களும் இதனைப் பயன்படுத்தலாம்.

நிரந்தரமற்றவை மீது நிரந்தர மோகம் கொள்வது, நிரந்தரமான இன்பத்தை அளிக்காது என்பதை நம்மில் பெரும்பாலானோர் நினைப்பதே இல்லை. ஆம், காதலில், உறவில் ஆண் பெண் மீதோ, பெண் ஆண் மீதோ வெறும் வடிவும், முக அழகும் சார்ந்து ஈர்ப்பு கொள்ளலாம். ஆனால், அதையே கருவாய் கொண்டு இல்லறத்தில் இணைய நினைப்பது அடிமுட்டாள்தனம்.

உங்கள் இல்வாழ்க்கை சிறக்க வேண்டும், நீங்கள் உங்கள் வாழ்க்கையில் மேன்மை காண வேண்டும் எனில், வடிவத்தை தாண்டி, ஓர் கணவனாக உங்கள் மனைவியிடம் எதிர்பார்க்க வேண்டிய ஐந்து விஷயங்கள் இருக்கின்றன.... அடக்குமுறை இல்லாத அன்பு! நான் சொல்வதை கேள், நான் சொல்வதை செய், நீயாக எதையும் முடிவெடுக்காதே, என் கட்டளைக்கு கட்டுப்படு என நாம் எனும் திருமண பந்தத்தில் நானாக திகழ்வது அன்பு செலுத்தும் கணவனாக இருப்பினும், அடக்குமுறை, ஆணாதிக்கம் நிறைந்த காரணத்தால் அன்பை அழித்து, இல்லறத்தை சீர்குலைந்து போக செய்யும். எனவே, அடக்குமுறை இல்லாத அன்பு செலுத்த வேண்டும். இது, இருபாலார் மத்தியிலும் பொருந்தும்.

உறுதியான பிணைப்பு! தான் நிலைகுலைந்து போன போதும், தோல்விகளில் துவண்ட போதும் உறுதி இழக்காத பிணைப்பும், அரவணைப்பும் காட்டும் ஓர் மனைவி இருந்தால், அந்த ஆண் உலகை என்ன பிரபஞ்சத்தையே வெல்ல முடியும். இந்த உறுதியான பிணைப்பு இருந்தால், எந்தவொரு கடினமாக சூழலையும் எளிமையாக கடந்து வந்துவிட முடியும். ஆசுவாசமான, இலகுவான நேரம்! அலுவலகம், தொழில், களைப்பு என எதுவாக இருப்பினும், வீடு திரும்பினால் அவை அனைத்தையும் போக்க, அன்பை மலையாய் பொழிந்து, சோர்வை நீக்கும் துணை ஒருத்தி வேண்டும் என்பதே ஆண்களும் கனவு. இருளின் மடியில் கட்டி தவழ்வதை காட்டிலும், ஒளியின் வெளியில் கைகோர்த்து இருப்பதே பெரிய இன்பமாகும்.

பிரிவை எண்ணாத பிரியம்! உன்னோடு இருக்கும் போதோ, பிரிவோ, துக்கமோ, சோகமோ எந்த ஒரு எதிர்மறை எண்ணமும் என்னில், என் மனதில் எழாமல் இருக்கிறது என்ற எண்ணம் பிறக்கிறது எனில், அவளே உங்களுக்கான சிறந்த துணை. எக்காரணம் கொண்டும் அப்படிப்பட்ட துணையை இழந்துவிடாதீர்கள். வாய்ப்புகள் மட்டுமல்ல, நல்ல மனைவி அமைவதும் இன்றியமையாத வரம் தான்.

கட்டுப்படுத்தாத தன்மை! எந்த ஒரு சூழலிலும் ஒருவரை ஒருவர் ஆதிக்கத்தின் பெயரிலோ, அன்பின் முன்னிறுத்தியோ அவரவர் வழியை கட்டிப்படுதாமல் இருக்க வேண்டும். தீய செயல் எனில், தடுத்த நிறுத்தவும் உரிமை இருக்கிறது. ஆனால், சுயநலம் கருதி ஒருவரது வளர்ச்சியை துணையாக இருப்பினும் கட்டுப்படுத்த நினைப்பது தவறு தான். இந்த ஐந்தும் ஒருவரது வாழ்வில் நன்றாக அமைந்துவிட்டால். உங்கள் இல்லறத்தில் இரவு மட்டுமல்ல, பகலும் இனிமையாக கழியும்!